Orchester

wjednica:

Cornelia Wolf

Kónc decembra wuńdźe CD něhdyšich a tuchwilnych čłonow orchestra ze zběrku swójskich kompozicijow ze zańdźenych 6 lět. Zajimcy móža sej ju w šuli, w Serbskej kulturnej informaciji Budyšin kaž tež na wustupach kupić.

Orchester załoži so w šulskim lěće 2000/01 a wobsteji z 15 aktiwnych čłonow, kiž wšelakore instrumenty hraja. Zetkaja so prawidłownje srjedu wot 13.30 do 15.00 hodź. k probam. Orchester měješe hižo wjele wuspěchow, na př. 1. městno w Saksim wubědźowanju orchestrow 2004. Wobrubi tež prawidłownje šulske zarjadowanja.

Orch-Weih2009.jpg Orch2009-1.jpg Orch2009-2.jpg

Orchester hraje swójske kompozicije, w kotrychž so serbske temy abo židowska ludowa hudźba předźěła. Ma tež přeco elementy klasiki, jazza a ludoweje hudźby. Aranžementy wjednicy orchestra wotpowěduja tučasnym zamóžnosćam instrumentalistow. Tohodla móže tež kóždy započatkar w orchestrje sobu skutkować. Nimo toho poskići so tež jednotliwcam wučba.

Zajimcy su stajnje witani a móža so pola knj. Wolfoweje přizjewić.

.