Bronzowa medalja za najmłódšich beachvolleyballistow

Holcy a hólcy 6. a 7. lětnika SGB wudobychu sej pjatk, 29.05.15, w Sprjewinej kupjeli w Budyšinje bronzowu medalju. Sydom šulow běchu přitomni a tak hraješe so w dwejoch staflach. Naši šulerjo přesadźichu so 2:1 přećiwo Ewangelskej srjedźnej šuli Rakecy a přećiwo Wyšej šuli Ottendorf-Okrilla z 2:0. W mjezykole přěhrachu pak z 0:2 přećiwo Lessingowym gymnaziju Kamjenc. Tak wojowachu znowa přećiwo SŠ Rakec wo třeće městno, kotrež suwerenje z 21:13 a 21:11 dobychu. Wutrobnu gratulaciju za bronzowu medalju.

Beach-VB Wk IV SGB 3_Platz 2015.JPG

K foće: W Budyskej Sprjewinej kupjeli wudobychu sej najmłódši beachvolleyballisća SGB wot sydom šulow bronzowu medalju. Su to stejo wotlěwa: Steve Schröder, Feliks Jurk a Matthias Pilz; sedźo wotlěwa: Verena Suchec, Anna Säuberlich a Lavinia Bührdel.

.