“Młodźina trenuje za olympiju” – wokrjesne finala we volleyballu

Naši šulerjo z přeswědčacym wukonom

W prěnich dwejoch starobnych klasach skónčichu so w Biskopicach wokrjesne finala we volleyballu. Holcy a hólcy 10. a 11. lětnika ( starobna skupina II ) dobychu jich partije z 2:0 a pojědu nětko 7. januara 2016 do Rychbacha blisko Lubija na regionalne finale. Tam maja wosebje naši hólcy dobre wuhlady na prěnje městno, štož by kwalifikaciju za krajne finale garantowało. Samsny cil maja tež holcy 8. a 9. lětnika ( starobna skupina III ), kotrež njedachu sportoweje konkurency we wokrjesu žanu šansu na dobyće. Woni maja 13. januara 2016 w swójskej hali domjacu lěpšinu. Hólcy přěhrachu snadnje finalnu hru přećiwo Goethowemu gymnazijej Biskopicy z 22:25 a 21:25 a wobsadźichu mjez štyrjomi šulemi dobre 2. městno.

SGB-VB KF 2015.JPG SGB-VB KF Wk II.JPG

Foto 1 : Holcy a hólcy 10. a 11. lětnika dobychu wokrjesne finale we volleyballu w Biskopicach

Foto 2 : Holcy 8. a 9. lětnika přesadźichu so suwerenje we wokrjesnym finalu a hólcy wobsadźichu dobre 2. městno w Biskopicach