Volleyballistki SGB znowa sakske finale docpěli

W swójskej hali dobychu volleyballistki Serbskeho gymnazija Budyšin (SGB) regionalne finale starobneje skupiny III pod hesłom “Młodźina trenuje za olympiju”. Hižo k třećemu razej docpěchu holcy, kotrež widźiće na foće,kónčne sakske wurisanje, kotrež budźe 17. měrca w Dippoldiswaldźe.

Minjenu srjedu krótko do 9 hodź. wotewri šulski nawoda SGB, Renè Wjacławk, regionalne finale holcow a hólcow štyrjoch najlěpšich šulow wuchodneje Sakskeje w sportowej hali Serbskeho šulskeho a zetkawanskeho centruma Budyšin. A šěsć hodźin pozdźišo radowaše so nad wospětnym rjanym wuspěchom našich volleyballistkow. Tež sobušulerjo mjeńšich lětnikow wjeselachu so jako sylny fanowy blok z nimi a dźiwachu so, kak wuběrnje zamóža holcy při wysokim saku z bulom wochadźeć.

SGB VB-reg.finale Wk III ho 2016.JPG

K foće: W regionalnym volleyballowym finalu wubědźichu sej holcy 8. a 9. lětnika Serbskeho gymnazija Budyšin złotu medalju. Wone pojědu 17. měrca na sakske finale do Dippoldiswaldy. Stejo wotlěwa: Nele Pjetašec, Wibke Zickmüller, Helena Hejduškec, Tadeja Šeferec, Luise Garbe, Lea Krječmarjec a najlěpša hrajerka turněra Luiza Šubertec ze sportowym wučerjom.

Serbski gymnazij Budyšin – Wyša šula Kulow 2:0 (25:11, 25:13)

Serbskij gymnazij Budyšin – Wyša šula Kodersdorf 2:0 (25:10, 25:21)

Serbskij gymnazij Budyšin – Christiana Weisowy gymnazij Žitawa 2:0 (25:10, 25:23)

Po mytowanju ze złotej medalju přizamkny so dalši rjany podawk. Luizu Šubertec wuznamjenichu, kaž hižo tydźenja Mateja Cyža z Chrósćic, jako najlěpšu hrajerku wuchodosakskeho finala w Budyšinje. Tež jej wutrobnu gratulaciju.

Kónčna tabulka regionalneho volleyballoweho finala sk III

 

sadźby

dypki  

Serbski gymnazij Budyšin

6:0

6

Gymnazij Žitawa

4:2

4

Wyša šula Kulow

2:5

2

Wyša šula Kodersdorf

1:6

0