Volleyballisća ze złotom a slěbrom we wokrjesnym finalu

W Biskopicach zahajichu so volleyballowe wubědźowanja wokrjesa Budyšin ze starobnej skupinu II (9. do 11. lětnik). Naše holcy dominowachu we wšěch třoch partijach a dobychu přećiwo WŠ Biskopicy, WŠ Załom a Gothowemu gymnazijej Biskopicy jasnje z 2:0. Woni pojědu 5. januara 2017 na regionalne finale do Rychbacha pola Lubija. Tež w tutym šulskim lěće chcedźa krajne finale docpěć. To budźe ćežko, wšako je sportowa konkurenca we wuchodnej Sakskej sylna. Spočatk januara smy potom mudriši. Naše hólcy přesadźichu so najprjedy přećiwo SŠ Biskopicy z 2:0, přěhrachu pak ze samsnym rezultatom přećiwo gymnazijej z Biskopic. Bě to napjate a wot niwowa sem wysoke rozestajenje, kotrež snadnje z 23:25 a 20:25 wotedachu. Tak wuskoći lětsa dobre druhe městno.

SGB-VB 2016 KF WkII.JPG

K foće : Po wokrjesnym finalu we volleyballu w Biskopicach nastupichu so holcy a hólcy 9. do 11. lětnika k zhromadnemu foće.