“Młodźina trenuje za olympiju”

Naši basketbalisća so znowa za Sakske finale kwalifikowali

Srjedu, 30. nowembra 2016, wotmě so w Radworju regionalne finale w basketbalu a to w starobnej skupinje II (9. do 11. lětnik). Hnydom w prěnjej hrě turněra padny rozsud wo złotu medalju. Naši hólcy nastupichu přećiwo sylnemu mustwu Schilleroweho gymnazija. Woni mějachu lěpši start a nawjedowachu z dypkomaj předskoka po prěnim połčasu. Tola hrajerjo wokoło kapitana Pětra Dźisławka so njepodachu a partiju hišće z 23:14 dobychu. Přichodnej sportowej kontrahentaj běštaj našim napřećo technisce a atletisce słabši. Tak skónči so hra přećiwo Parkowej Wyšej šuli Žitawa z 21:8 a z 43:13 njedachu Wyšej šuli “Ludwig Richter” žanu šansu na wuspěch. Wutrobna gratulacija.

Tak kwalifikowachu so naši hólcy, kaž hižo w minjenym šulskim lěće, za Sakske finale. Wone budźe 8. februara 2017 w Kamjenicy.

BB-RSA (1).JPG BB-RSA (10).JPG BB-RSA (16).JPG BB-RSA (17).JPG

W Radworju wubědźichu sej złotu medalju: Pětr Dźisławk, Jan Šołta, Paul-Georg Gallwas, Feliks Winar, Egon Hübner a Antonius Zamora-Gonzalez.