Sensacionelny wuspěch našich koparkow w Freitalu

Jako dobyćer krajneho finala pojědu kónc septembra na zwjazkowe finale do Berlina

Wosom koparkow ze 7. do 9. lětnika su so wčera wo wulku sensaciju postarali. Jako prěnje mustwo Serbskeho gymnazija dobychu jedne sakske krajne finale. Holcy wokoło kapitanki Leje Krječmarjec přesadźichu so přećiwo dalšim štyrjom regionalnym dobyćerjam našeho swobodneho stata w starobnej skupinje II. Kónc septembra pojědu wone na zwjazkowe finale do Berlina.

Tu jednotliwe rezultaty:              

SGB – Weiseritzowy gymnazij Freital

5:0

SGB – WŠ G.-Hauptmanna Limbach-Oberfrohna 

3:0

SGB – Gymnazij Immanuela Kanta Lipsk

2:1

SGB – Gymnazij K.-Sch.- Rottluffa Kamjenicy

1:0

Najwuspěšniša třělča běše Tadeja Šeferec 9-1 z pjeć wrotami.

SGB-FB.JPG

K foće: Stejo wotlěwa: referendarka za sport a serbšćinu Tereza Wićazec, kapitanka Lea Krječmarjec, Karoline Šrajterec, Tadeja Šeferec, Helena Hejduškec, Lavinia Bührdel, Milena Kummerec, sportowy wučer Měrko Korjeńk; prědku wotlěwa: Sara Łušćanskec a wrotarka Nele Pjetašec.