5. lětnik w zwěrjencu w Zhorjelcu

Bio-ekskursija do Zhorjelskeho zwěrjeńca

Kamele bydla w pusćinje, ale někotre z nich móžeš sej tež w Zhorjelskim zwěrjencu wobhladować. Tole bě cil rjadownjow 5/1 a 5/2 našeje šule. Po krótkej busowej jězbje běchmy tam a sobudźěłaćerce powitaštej nas. Na spočatku rozdźělichmy so do štyri skupinow, a dóstachmy nadawki k wšelakim zwěrjatam. Jako prěnje wjedźeše nas hladarka zwěrjatow k jěžowcam (Stachelschweine). Zhonichmy, zo maja wone tři družiny kałačikow, kotrež maja wšelake nadawki. Tež tójšto druhich zajimawych wěcow smy sej nadźěłali, na přikład zo słušeja jěžowcy k hrymzakam abo zo dźerža picu ze swojimi pacami. Tute informacije smy přednjesli a potom su nam tež tamne skupiny swoje zwěrjata předstajili. Na to smy zhromadnje ke kamelam šli, kotrež smědźachmy tež majkać. Po tym mějachmy hišće wjele swobodneho časa, w kotrymž smy wopicy, šupy (Waschbären), reptilije, pawa a panda-mjedwjedźe wopytali. Kusk časa za lód abo zymny napoj tež hišće běše. Wšitkim je so lubiło a kusk mudrišo podachmy so zaso na dompuć.

k-DSC_0011.JPG k-DSC_0019.JPG k-DSC_0025.JPG k-DSC_0026.JPG

Biologiska ekskursija 9. lětnika

18.05. wotměješe so biologiska ekskursija rjadownje 9/2 do  biosferoweho reservata hornjołužiska holanska a hatna krajina. Šulerjo přepytowachu abiotiske a biotiske faktory wokoło hatow pola Hućiny a Stróže. Při tym móžachu wjele rostlinow a zwěrjatow wobkedźbować a postajić.

Bioexkursion (3).JPG Bioexkursion (5).JPG Laubfrosch.JPG

Dalše wobrazy.

.

Ekologiska ekskursija 9-1

Pjatk, dnja 20.06.14 podachmy so my, rjadownja 9-1 Serbskeho gymnazija Budyšin, do małaje wjeski Hućiny. Našej wučerjej knjez Eiselt a knjeni Šěnowa planowaštaj z nami ekskursiju. Činištaj nam nadźiju, zo budźe słónčne a horco, tak zo móžemy so snano samo w hatach kupać! Ale přińdźe wšitko hinak...

Přińdźechmy hižo mokri do šule a mokri so tež zaso nawróćichmy. Ale nic, dokelž smy so kupali. Hućina a haty rezerwata zdachu so na prěni napohlad jara idyliske. Na puću k stacijam z přepytowanskimi nadawkami zetkachmy kołpy. Jich majestosć a rjanosć nas slepješe. Jako stejachmy jim při brjohu wosebje blisko, pytnjechmy jich agresiwitu w jich wočach. Syćo so přeco zaso na nas měrjachu. W bliskosći kołpow pak dyrbjachmy naše nadawki spjelnić. Chemiske parametry wody přepytować, zwěrjeći a rostlinski plankton z mikroskopami wobhladać kaž tež zwěrjata a rostliny hatow postajeć. Widźachmy tež wosebite čorne skočatko přez puć skakać. Njemóžachmy pak zwěsćić, wo kotru družinu so jednaše. Z tutym nam přeco zakrytym potajnstwom wróćichmy so po třoch hodźinach zaso do šule. Běše to zajimała ekskursija.

Dodałk knjeza Eiselta: Njebě to knot (měnjenje někotrych šulerjow), kiž je přez puć skakotał, ale mink, małke rubježne zwěrjo, kotrež njeje domoródne zwěrjo.  

Nadja, Sarah, Luisa

k-_MG_6060.JPG k-_MG_6164.JPG k-_MG_6184.JPG

.

Bio-olympiada

2. schodźenk bio-olympiady

Marit Ackermann z rjadownje 7-3 je so dnja 22.05.2014 jako najlěpša šulerka 7. lětnika našeho gymnazija na 2. schodźenku tuteho wubědźowanja w zwěrjencu we Zhorjelcu wobdźěliła. Wona wobsadźi mjez najlěpšimi šulerjemi gymnazijow regionalnošulskich wobwodow Budyšin a Drjezdźany wuběrne 2. městno a so z tym za kónčne cyłosakske wurisanje dnja 03.07.2014 w Hygiene-muzeju w Drjezdźanach skwalifikowa. Gratulujemy jej wutrobnje k tutemu jara dobremu wuslědkej a přejemy jej wjele wuspěcha w kónčnym wurisanju.

k-DSC_0094.JPG

.