5. lětnik w zwěrjencu

5. lětnik w zwěrjencu

Dnja 19.04.2013 běše zaso tak daloko. Šulerjo 5. lětnika podachu so z jich wučerjemi do zwěrjenca, lětsa prěni raz do Zhorjelca. Tema běše přiměrjenje zwěrjatow na jich žiwjenski rum. Hłowni zastupjerjo ptačiny a cycakow na tutym dnju běchu Ara, Złoty fasan, Yak a Dźiwi kamel. K tutym zwěrjatam so šulerjo w mjeńšich skupinach wotměnjejo podachu a tam nadawki na dźěłowych łopjenach spjelnichu. Prašenja běchu na přkład: Za ćo wšo wužiwa Ara swój pysk? Kak přežiwi Yak w Tibeće? Čehodla ma Złoty fasan tajke nadpadne barby? Kak zežiwi so Kamel w pusćinje?

Na kóncu předstaji zamołwita kubłarka nam tež hišće wosebite zwěrjo, mjenujcy kałaća(Stacheltier). Po wuhódnoćenju běše hišće čas za samostatne wobhladanje zwěrjenca. Čas so za šulerjow pře spěšnje miny.

 

  k-DSC_0065.JPG k-DSC_0082.JPG k-DSC_0089.JPG

 

.