Studijny dźeń 11tkow

Tójšto informacijow za studij dóstali - studijny dźeń 11.lětnika

 

Jako druhi dźěl orientaciskich dnjow za nas 11tkow Serbskeho gymnazija bě pjatk, 24.11.2017, studijny dźeń předwidźany. Tydźenjej do toho běchmy hižo tójšto informacijow wo studowanju wot knj. Klingstoweje wot dźěłoweho zarjada dóstali. Tutón pjatk pak chcychmy dokładnišo wo konkretnych studijnych směrach zhonić.

Dźeń započinaše so z přednoškom knjeza Bosćija Handrika wot kubłanskeje agentury, w kotrymž wšitkich, kiž so za wučerstwo zajimowachu, pohnuwaše tutym zajimje šćehować. Dramatiske pobrachowanje wučerjow w Sakskej mjenujcy tež nas potrjechi. Tak du w přichodnych lětach wjac hač 90 serbskorěčnych wučerjow na wuměnk, ličba serbskich studowacych na polu wučerstwa je pak wo wjele mjeńša. Tak apelowaše na wšitkich, sej hišće raz přemyslić, hač nochcychu so tola jako wučerjo wuspytać.

Hnydom po krótkej přestawce so wšitcy do małkich skupinow dźělachu. Tute běchu rjadowane po indiwiduelnje wolenych workshopach. Tam čakachu na šulerjow małe informaciske přednoški. Cyłkownje běchu to wosom wšelakich, wot kotryž móžachu so dwě wot kóždeho šulerja wopytować. To běchu na přikład pisanje motiwaciskeho lista a požadanja, kaž tež organizacija studija.Dale přewjedźe so asesment, informowaše so wo “přechodnych” móžnosćach. We rumnosćach předstajichu so tute wot studentow, kaž tež wot hižo we wšelakorych powołanjach nazhonitych prjedawšich studentow. Cyłkownje su so jara dobre pokiwy daledawali a so prěni zaćišć wo žiwjenju studenta stworił. Tež su so šulerjo sami wuspytać móhli, kaž na přikład při přemyslenju wo swójskich zamóžnosćach abo wo namakanju swójskeje motiwacije za studij. Tež prašenja šulerjow běchu wosebje witani a so rady, dokładnje a wobšěrne wotmołwichu.  

dale čitać: Studijny dźeń 11tkow

„Rěče dožiwić“

P1070658

Chceće wědźeć, kak so pola nas wučbne rumnosće ze žiwjenjom pjelnja? Chceće naše dźěło na Serbskim šulskim a zetkawanskim centrumje dožiwić?

Tuž přeprošamy Was a waše dźěći cyle wutrobnje na naš dźeń wotewrjenych duri wutoru, dnja 21. nowembra 2017, na Friedrich-Listowu 8. Pod temu „Rěče dožiwić“ předstajamy wot 16:00 hodź dźěło na našej šuli we wšitkich fasetach. Njemóžeće jenož wučbu serbšćiny dožiwić, ale tež hodźinu jendźelšćiny, debatowanje w němčinje kaž tež započatkarsku wučbu čěšćiny, francošćiny a rušćiny. Chattujće live z našimi šulerjemi, kotřiž wuknu tučasnje we wukraju, abo informujće so wo našich poskitkach šulerskeje wuměny.

Runje tak prezentuja naše kulturne ćělesa swoje proby: móžeće wučerjam za dudy abo huslički přez ramjenja hladać, so k rejowanju animěrować dać, na chóry słuchać abo dźiwadłowu skupinu wobdźiwać. W mjezyčasu wjedu šulerjo Was a waše dźěći přez dom a wotmołwjeja Wam starši a wučerjo na prašenja. Waše dźěćo móže so při twarjenju lego-robotera wuspytać, w dźěłarni točić a šrubować abo na Orff-instrumentach hudźić. Po puću do internata móžeće w sportowni swoje ćěło skrućić.

Za přećelow přirodowědow přewjedu naši wučerjo chemije a fyziki we 18:15 hodź so kurjacy program w awli, při kotrymž je lětanje škričkow garantowane.

Přez cyły čas zapleńčeja Was šulerjo 12. lětnika z kulinariskimi chłóšćenkami.

Wjeselimy so na to, Was a waše dźěći 21. nowembra 2017 zeznać směć.

šulskej wjednistwje Serbskeje wyšeje šule a Serbskeho gymnazija Budyšin

Tu su naše poskitki:

Naš projekt GEMINI – skutkowanje w hraničnych kónčinach

W ramiku šulerskeho projekta GEMINI podachmy so my šulerjo rjadownje 9/1 wot 25. hač do 27.09.2017 do Hejnic. Tu mějachmy móžnosć, naše kompetency, kiž su wosebje při wólbje powołanja trěbne, na hinaše wašnje polěpšić.

Startowachmy póndźelu we 8:00 hodź. z busom do směra Čěskeje a běchmy w 11:00 hodź. na městnje, w Mjezynarodnym zetkawanskim centrje w Hejnicach. Po wobjedźe a wjedźenju po putniskej cyrkwi při zetkawnskim centrje so nam a čěskim šulerjam z Libereca, kotřiž so tohorunja na projekće wobdźělichu, wotběh zarjadowanja posrědkowa. Přez zhromadne aktiwity smy čěskich šulerjow bliže zeznawali. Tak na přikład so kóžda šula wječor z pomocu prezentacije druhim šulerjam předstaji.

Wutoru wuknjechmy, kak so při powabjenju prawje prezentuješ. Nimo toho dóstachmy informacije k nastajenju žiwjenjoběha. Po wobjedźe běše ekskursija do Ekologiskeho centruma w Hejnicach. Dźělichmy so do dweju skupinow a zhonichmy na přikład něšto wo wołmje, přazy a tkalcowstwje abo wo zhotowjenju brěčkow. Wječor dźěłachmy posledni raz z čěskemi šulerjemi hromadźe a dóstachmy certifikat.

Na poslednim dnju wopytachmy Technisku uniwersitu w Liberecu. Dóstachmy dohlad do wšelakorych wobłukow dźěła a slědźenja. Widźachmy na přikład, kak so nano-włokniny zhotowja. Tež funkciju 3-D-ćišćaka nam pokazachu. Po tym so hižo zaso na dompuć nastajichmy.

Ekskursija k temje židowstwo do Drježdźan

My, šulerjo 6. lětnika smy so štwórtk dnja 19.10.2017 na ekskusiju podali. Najprjedy smy w Budyšinje w małych skupinach za kopolakami pytali. W 9 hodź. smy z busom do Drježdźan jěli. Tam smy so do dweju skupinow dźělili. Prěnja skupina je kaž w Budyšinje za dalšimi kopolakami pytała a je potom do synagogi šła a druha skupina bu najprjedy přez synagogu wjedźena a je potom za kopolakami pytała. K tutej ekskursiji smy dźěłowe łopjeno dóstali, kotrež dyrbimy na znamku wotedać. Wšitkim je so lubiło a nadźijamy so wšitcy na dobre znamki.

Šula w zelenym

Na prěnim dnju smy sej wšitcy do Njeswačidła do młodownje dojěli. Wšitcy rěka my šulerjo rjadwonje 5-1, 5-2 a naši rjadowniscy wučerjo. Wotstajichmy naše toboły a kófry w młodowni, dóstanjechym mału snědań sobu na puć a podachmy so na pućowanje do Małeho Holešowa. Tam wopytachmy rybarski dwór. Tam rozdźělichmy do třoch skupinow. Přenja skupina je so z wšitkimi družinami žita zaběrała a je chlěb pjekła. Druha skupina je na zelowej zahrodźe wšelakore zela šćipała a ze zelow a přidatnymi přidawkami zelowy twaroh naměšała. A třeća skupina je na zahrodźe zorno wusyłała a memory hrała. Po času su so stacije změnili, tak zo je kóžda skupina wšitke tři stacije wopytała a nadawki spjelniła. Naposledk smy chlěby do pjecy sunyli. Hdyž běchu chlěby dopječene smy wšitcy zhromadnje wobjedowali. Po wobjedźe podachmy so na wróćopuć do młodownje. Tam smědźachmy skónčnje naše toboły do našich stwow donjesć.  Popołdnju je ADAC přijěł. Smy so do dweju skupinow rozdźělili. Prěnja skupina je so z borzdźenskimi pućemi zaběrała a druha jězdźeše z kolesom předpisany parkour. Po zhromadnym wuhódnoćenju smy parkour zrumowali. Po wječeri běchmy mućni a wjeselichmy so na naše łoža.

DSC07593.JPG DSC07599.JPG DSC07602.JPG

Štwórtk rano po snědani smy sej spěšnje naše sportowe drasty zwoblěkali, dokelž su wučerjo z nami sportowy turněr přewjedli. Najprjedy su so hólcy a potom holcy do dweju skupinow rozdźělili. Mějachmy tři stacije. Prěnja bě bul přez sak, druha ludowy bul a třeća stacija bě kopańca. Po chwili změnjachmy stacije. Wšitke tři discipliny smy z wróćohru hrali. Po sportowym turněrje dóstachmy dobry wobjed. Po wobjedźe smy so předrasćili za GPS-turu, kiž startowaše w Małym Holešowje. Prěnja skupina startowaše z GPS-turu, druha krótko po prěnjej a třeća jako poslednja. Nadawki běchu jara ćežke ale cool. Po chwili smy pytnjeli, zo je so druha skupina zaběžała. Ale na kóncu stej přenja a třeća skupina na druhu skupinu čakałoj. Pokład namakachmy wšitcy hromadźe. Hdyž smy mału překłapjenku dóstali, smy so zaso na dompuć do Njeswačidła podali. Tam smy wječerjeli a srjedź wječerje přijědźechu naše 12-tki. Smy z jědźu chwatali, zo bychmy móhli tak spěšnje kaž móžno z našimi 12´tkami sej hrajkać. Woni su z nami hry hrali a su sej tež naše stwy wobhladali. Wječor wokoło 20.00 hodź. su 12´tki za nas nócne pućowanje přihotowali. Za to dyrbjachu so přeco třo šulerjo hromadźe namakać, kiž su w skupinkach po wotstawkach běželi. 12´tki su nas porjadnje šerili.

Pjatk rano k snědani su nam wučerjo přeběh dnja předstajili. Po snědani mějachmy hodźinu čas, zo bychmy naše toboły a kófry pakowali. Po tym mějachmy někak hodźinu čas pak za nakupowanje abo hrajkanje w młodowni. Po dobrym wobjedźe smy k hrodej šli a smy skicu wot parka narysowali. K zakónčenju přińdźechu naše starši, zo bychmy zhromadnje grilowali.

Šula w zelenym běše jara rjane dožiwjenje a nochcu tute tři dny ženje zabyć.

Dalše wobrazy!

Přeprošenje

Staršiski wječor za wobdźělnikow na rěčnej jězbje do Jendźelskeje budźe 15.09.16 w 17.00 hodź. w awli.

Tež zajimowani šulerjo su wutrobnje přeprošeni.

Prošu wo to, so sčasom wo płaćiłe jězbne dokumenty postarać.

knj. Bährowa/ knj. Kötzschowa/ knj. Hoyerowa