Do złoteje Prahi

My, skupina čěšćinarjow 7. lětnika Serbskeho gymnazija, smy jězbu do čěskeje stolicy planowali, zo bychmy naše rěčne znajomosće polěpšili a sej krasne město raz cyle zbliska wobhladali. Tohodla je kóždy z nas krótki přednošk wo zajimawostce města spřihotował. Zhromadnje ze šulerjemi rušćiny podachmy so rano z busom na 2,5 hodźinsku jězbu.

IMG_5051.JPG IMG_5065.JPG IMG_5186.JPG IMG_5201.JPG

.

dale čitać: Do złoteje Prahi

Pomoc woporam zemjerženja w Nepalu

Šulerska rada našeje šule je swojich sobušulerjow namołwjała, pjenjezy za wopory zemjerženja w Nepalu darić. Z małej prezentaciju za rjadowniskich rěčnikow wo žiwjenskej situaciji w Nepalu a wo wuskutkach zemjerženja je so pomocna akcija w zašłym tydźenju zahajiła. Wutoru připołdnju móžeštaj šulerskej rěčnikaj Marie-Luise Matješkec a Franz Golchert nahladnu sumu pjenjez we wysokosći 2225,53€ knjeni Katrin Götz přepodać. Wona je předsydka towarstwa, kotrež so hižo něšto lět za mjeńše wjeski w Nepalu angažuje, z kotrychž je wjetšina po zemjerženju nimale dospołnje zničena. Na zakładźe wosobinskeho kontakta k towarstwu budźe šulerjam móžno zhonić, što je so z nahromadźenemi pjenjezami wšitko zeskutkowniło.

Cyle wutrobny dźak wšitkim darićelam!

IMG_4285.JPG

.

Ekskursija do Liberec 19.5.2015

Rano w sedemich 19.5.2015 zetkachmy so na dwórnišću w Budyšinje. 7.13 hodź. podachmy so z ćahom do zwěrjenca w Liberecach. Hdyž běchmy zwěrjenc nadešli, dóstachmy nadawk: z pomocu karty dyrbjachmy zwěrjata pomjenowac. Přindźechmy pola girafow, elephantow a tóšto wjacych zwěrjatow nimo. Smy so tež nimale zaběželi, ale karta je nam pomhała. Zwěrjenc je jara wulki, z mnoho hrajkanišćami a budkami z čěskimi specialitami. Dyrbjachmy so najprjedy na hinajše pjenjezy zwučić, ale potom je so nam wšitko derje poradźiło. Nam je so wulět jara lubił. Dźakujemy so knj. Štillerovej a knj. Bräuerowej, zo su tutón ekskurziju tak derje organizowali.

liberec_2015 (1).JPG liberec_2015 (3).JPG liberec_2015 (7).JPG

.

Mejemjetanje 2015

Srjedu, 13.05.2015, wotměwaše so zaso mejemjetanje na šulskim dworje Serbskeho šulskeho a zetkawanskeho centruma w Budyšinje. Šulerjo 5. a 12. lětnika Serbskeho gymnazija kaž tež šulerjo serbskeje zakładneje šule so na zaćahu na sportnišćo, na rejach wokoło meje a wubědźowanju wo mejskeho krala wobdźělichu. Někotre impresije widźiće tu.

DSC_0038.jpg DSC_0064.jpg DSC_0084.jpg

.