Kwarantena za cyłu rjadownju 5-1
Česćeni starši,
rjadowniski wučer informowaše Was dźens wječor wo tym, zo ma so cyła rjadownja hnydom do karanteny podać. Rozsud zdźěleše so šulskemu wjednistwu 17.45 hodź. přez strowotniski zarjad Budyšin. Zarjad złožuje so na fakty, kotrež je w běhu dnja dóstał a po dokładnym pruwowanju wuhódnoćił. Dale pokaza strowotniski zarjad na swoje směrnicy we wobchadźe z lětnikami 5. a 6. Za tute lětniki płaći, ručež so jedyn šuler natyknje dyrbi cyła rjadownja do karanteny.
Šulske wjednistwo ma nadawk, wšitke adresy šulerjow zarjedźe sposrědkować. To stanje so jutře 13.11. 2020. Potym so Wam přez strowotniski zarjad list ze zdźělenjom přistaji.
Po informaciji dźensa woznamjenja to karantena hač do 23.11. 2020. Dale so zdźěli, zo njeje wobšěrne testowanje šulerjow předwidźane. Doporuči pak so, jeli zo dźěći symptomy pokazaja, k wěstosće test přewjesć dać. To hodźi so pola domjaceho lěkarja abo strowotniskeho zarjada přewjesć dać.
Nadawki a wučbne materialije chcemy šulerjam přez LernSax sposrědkować. Hladajo na wučbnicy a zešiwki, kotrež hišće w šulerskich faškach leža, Was informujemy, kak přistup zmóžnimy.
Nadźijamy so, zo wšitcy tutón wužadacu fazu derje zmištruja.
Z přećelnym postrowom
R. Wjacławk