Wopyt Sakskeho ministra za kubłanje na Serbskim gymnaziju Budyšin

Dźensa dnja 5. měrca 2025 wopyta naš nowy kultusowy minister Conrad Clemens Serbski šulski a zetkawanski centrum.  Dwaj šulerjej zakładneje šule Budyšin witaštaj jeho na tradicionalne wašnje z chlěbom a selu při zachodźe. Po wobchodźenju šulskeje ležownosće dawaše rozmołwne koło w małym kruhu ze šulskimi wjednistwami. Tole skićeše składnosć, nowemu ministrej wosebitu situaciju našeje serbskeje šule předstajić a tež z tym zwisowace wužadanja rozłožić.