Přizjewjenje nowačkow na Serbskim gymnaziju Budyšin za šulske lěto 2025/26 

je wot 03.03. - 07.03.2025 w sćěhowacych  časach móžne:

- póndźela do štwórtka:                        8:00 – 15:30 hodź.

- wutora:                                              8:00 – 18:00 hodź.

- pjatk:                                                  8:00 – 12:00 hodź.

Trěbne podłožki za zapisanje su wupjelnjeny přizjewjenski formular, kubłanske doporučenje zakładneje šule, narodźenske wopismo a połlětna informacija, zdźělenje k staršikemu prawu (hdyž přitrěchi), zdźělenje k wosebitemu pedagogiskemu spěchowanju (hdyž přitrěchi) a dopokaz sćěpjenja woypicow.

R. Wjacławk

šulski nawoda

Po dołholětnej přestawce wotměje so lětsa w aprylu zaso cyłosakska olympiada rušćiny w Kamjenicy. W přihotach na to wotmě so w nowembrje šulsko-interna olympiada. Šulerjo a šulerki 7.-11. lětnika móžachu we wobdźěłanju čitanskich a słuchanskich nadawkow swoje kmanosće dopokazać. Stajnje najlěpši třo z kóždeje rjadownje buchu wuznamjenjeni a dóstachu wěcne myto.

Najsylniši wukon pokaza Stella Pilzec z rjadownje 10 / 1, wona budźe našu šulu w aprylu w Kamjenicy zastupować.

Za to přejemy jej wjele wuspěcha!

(Nora Bräuerowa)

Darowanska akcija w adwenće

W adwentnym času je rjadownja 10-3 našeje šule wosebitu akciju planowała a zarjadowała, zo by dźěćom w nuzy wjeselo wobradźiła. Pod aspektom lubosće k blišemu rozsudźi so rjadownja, dary za lokalny dom za dźěći organizować. Ideja nasta w času wučby němčiny a wšitcy šulerjo běchu hnydom zahorjeni a zwólniwi, swój wosobinski podźěl přinošować. Po tym zo bě rjadownja wšitko trěbne dorěčała, staji so wona ze sobudźěłaćerku Wobydlerskeje pomocy Sakska z.t. do zwiska, zo by termin za přepodaće darow wotrěčała.

16.12. wopytachu štyri šulerki a šulerjo dźěćacy dom, zo bychu dary wosobinsce přepodali. Woni přepodachu knihi, kosmetiku a wjele dalšeho tutym dźěćom. Nadźijamy so, zo móža dźěći přez tutón dar trochu zbožowniši hodowny čas dožiwić.

Luise Kaiser 10-3